Tagebuch

  Min erschte Usflug mit de Hostfamily!

So - 08/Jan/2006  

S'Wetter isch nid gad so de Hammer gsi. Bits bewölkt. Min Hostgvater het eus mit em Auto ume g'fahre. Zersch zum "Port of Brisbane"... döt het er den lang und breit über d'Schiff gredet, wo in Hafe chömed, durchsuecht und umglade werded... etc. Uf em Weg het er amig am Strasserand aghalte, um eus Schwän z'zeige! Hehe, um ehrli z'si hets mi mengisch fasch bits uf Palme tribe... er het gredet und gredet... da hesch fasch dini eigete Gedanke nüm mitbecho! Tja, aber ich finds eifach mega nett vo ihm, dass er sich Zit nimmt und eus möglichst vil will zeige und verzelle.

Nach em Port of Brisbane simmer witer as Meer "Morton Bay" g'fahre. Ich glaub, es wär idrücklicher gsi, wenn s'Wetter mitgmacht het... schad... aber es isch eh nid so en goldgelbe Sandstrand gsi... Aso, uf jede Fall isch das nur en ganz churze Trip gsi... ich glaub döt gömer mal wieder here... will es isch nid so wit weg vo mim dihei...

zurück >>