|
Tja... ihr chönd eui ja vorstelle, das ich nid würkli vil Schlaf gha han. Ich
bi öpe am eis dihei acho und am zwei oder halb drüü wieder gweckt worde... und leider
hani, woni is Zimmer gange bi, e rise Kakerlake a minere Zimmerdecki
gha!! Und ihr wüssed ja, wie ich die Ficher hass... öpe so, wie du Grazi
Spinne hassisch...
Naja, ich ha de s'Liecht alah, wil den d'Kakerlake i ihrem Eggli blibe isch... so
hani den au na bits Schlaf gfunde...
Mi sind also am Morge früeh ufgstande und mi em Auto zum Sprinbrook National
Park gange... es bits dur en Teil vom Regewald gloffe (het es Wegli gha...) und
hend am Schluss e chlini Plattform erreicht, wo "the best of all lookout"
heisst... döt hemmer den de Sunneufgang aglueget... isch schön gsi, nu mengisch
paar Wulche, wo d'Sicht verdeckt hend... vo det obe het mer au uf de "Mount
Warning" (1062m über Meer) sölle gseh. Wolke hend en verdeckt...
Nacher hemmer es Ozzy Breakfeast gha, nachdem mer es paar Wasserfäll go
aluege sind...
Mit em Auto simmer denn wiiter und hend uf em Weg Kangaroos gseh... aso
eigentli di chline Kangaroos... ich ha de name vergesse... glaub "Walleby" oder
so... me sind den wiiter bis nach New South Wales (Nachbarstaat)... im "Point
Danger" acho, het den de Hostvater vo allne es Föteli welle mache, wie
mir mit eim Fuess in New South Wales und mit em andere in Queens Land
stönd... s'Beste isch aber döt eifach d'Gold Coast gsi... mega schöne
Strand!! Und will mer vo da us Surfers Paradise het chöne gseh, simmer denn
schlussentli au no döt here...! Schöne Strand... und gnueg Möglichkeite zum
Lädele... hehe... alles in allem en "touristische" Ort... leider
hemmer alli nid chöne go bade, will mer euses Badzüg nid debi gha
hend... shit... uf em Heiweg simmer bime Restaurant im Mc Donnald's / Wendy's - Stil
go z'Nacht esse... en "meat-pie" go esse...
Aso, ich hör jetz uf mit mine lange Verzellige... ihr wend ja eh num Fötelis gseh... ich mu eui entüsche... ich ha
leider es bits problem bim Upload... ich has nid so im Griff... hoff würki ma Föteli
chöne z'liefere... wenigstens weissi, dass mini Family mini lange Bricht lese wird... hehe, danke... denn machi das
wenigstens nid ume suscht... hehe!
miss you all... würkli...!
|