Tagebuch

  South Bank

So - 22/Jan/2006  

Am Sunntig isch mer den langsam Decki uf de Chopf gheit und drum bini i d'Stadt. Zersch bits ad Queen Street Mall (Iichaufsmeile) und naher bini z'Fuess über d'Victoria Bridge uf di ander Siite vom Brisbane River... döt bini ad South Bank. Het vil Pärk und e Art Badi... mit Palme, Strand etc. Isch na schön g'macht... het eifach recht vil Lüt und Chinde, wo det baded... eifach es z'grosses Risiko, dass jedes zweit Chind det Pipi macht... hehe.
Ich bi den am River entlang wiiter, fasch bis zu de Kangaroo Point Cliffs. Wils afa tröpfle het, hani gmeint es chäm gli go richtig abeschiffe und bi wieder zrug ad South Bank gloffe... doch oh Wunder... den chunt wieder d'Sunne! Den hani ke Bock me g'ha namal det here z'laufe und ha drum d'City Cat (Färe) gna und bi zrug is Zentrum... des wars.

Monday und Tuesday natürli wieder Schuel... listening / reading test. Am Mittwuch gaht's den uf en Road Trip with some friends... by car! Judihui... as Meer...

zurück >>