|
Also, hüt bin ich uf min erste Usflug, wo ich vo de Schuel us buechet
han, gange... und zwar as Great Barrier Reef!
Am morge früeh simmer abgholt worde vom Tour Guide und hend euis uf de Weg
gmacht ime Bus.
Underwegs hemmer en Stop gmacht und sind zu de Glasshouse Mountains. Me sind
döt denn en Berg go 'erklimme'. Hehe, de Tour Guide isch mega zackig
glofe... mann, und de Berg isch so steil gsi!! Usserdem ischs scho am morge
extrem heiss gsi! Aber obe acho hemmer e schöni Ussicht gha über di andere
Glasshouse Mountains und Umgebig...
Tja, nach dem Fitness-Test simmer zrugg zum Bus und sind den wiiter nach
1770, e Stadt wo nach em Jahr benännt worde isch, wo de James Cook Australie
entdeckt het.
Döt acho simmer zume Camping Place gange, um euisi Zelt ufzstelle... aber
zersch simmer na as Meer go en Erfrischigs-Schwum i de Welle z'neh! Ja und
eigentlich hesch nöd würklich chöne schwümme... wil dich d'Welle eifach
umghaue hend... hehe aso ämel mich...
Nachere sübernde Duschi und nachdem mer d'Zelt fertig ufgstellt hend, het euise Tour Guide
de Traver (churz "Tref") es meegaa feins Barbeque vorbereited... und denn simmer
di ganz Nacht dusse gsesse, hend gesse und gschwetzt... isch mega gmüetlich
gsi...
|